Leiaren for Iran Human Rights Mahmood Amiry-Moghaddam advarar mot den nye iranske straffelova som viser til ein grunnlovsparagraf som igjen viser til Sharialova, som krev dødsstraff for m. a. konvertittar. Dette vil gjera dødstraff lettare tilgjengeleg for det iranske rettsapparatet.
Norsk utlendingsforvaltning har meint at det ikkje er så farleg for konvertittar å returnera til Iran. Dei kan leva rimeleg trygt, spesielt dersom dei teier om si nye tru. Etter den nye lova vil iranerar som har stått fram ope med si kristentru, og som blir returnerte til Iran, risikera dødsstraff. Dette må norske myndigheter ta på alvor. UDI og UNE må straks revurdera sin praksis når det gjeld iranske konvertittar.